【全碟歌詞】當時欲嫁 - 江蕙

檸音樂

1.黑咖啡
2.單行道
3.莎喲娜拉
4.唉呦唉呦
5.夢中央
6.老樂師
7.當時欲嫁
8.探戈探戈
9.玉蘭花
10.一葉女人心




1.黑咖啡

作詞：周韋杰
作曲：周韋杰
編曲：Terence
製作人：陳子鴻、江蕙

又擱行到咱上愛的咖啡廳
又擱聽著咱上愛的彼首歌
身邊空無人　心情空無望
淡薄啊酸　淡薄啊苦　淡薄啊痛

＊又擱坐置咱上愛的彼個位
　又擱面對咱上愛的窗仔邊
　有人問起我　哪會一個人
　淡薄啊酸　淡薄啊苦　淡薄啊痛

＃點一杯你慣習的黑咖啡
　喝一嘴無摻糖的我想你
　多一分鐘　添一分癡
　一場愛甲恨無輸無贏的搭纏

△捧一杯你慣習的黑咖啡
　喝一嘴有緣無份的勇氣
　你無交代來離開
　這場戲　若欲煞　置當時

　Repeat ＊,＃,△,＃,△




2.單行道

作詞：陳子鴻
作曲：陳子鴻
編曲：陳子鴻
製作人：陳子鴻、江蕙

經過人生春風秋雨　繁華以後是寂寞
踮在未來的雙岔路　是按怎攏無找著　幸福　快樂

總是習慣從人群中　一個人悄悄溜走
儘管身邊都是朋友　卻還是難免會有　感傷　落寞

＊每個女人心裡都有　都有一個夢
　跟愛的人陪著到永久
　但是緣分總有錯誤　起起落落
　跳袂離開命運這條河

悲歡離合的感情路　青春到這無結局
袂當越頭的單行道　人生到底欲去佗　找無　退路

　 Repeat ＊,＃,△

＃人生是一條單行道　你著看斟酌
　沿路風景愛放慢腳步
　這一條路走到最後　留下什麼
　這才發現簡單才快樂

△靜靜的夜看著天空　越看越心事重重
　過盡千帆只剩虛空　終於在多年以後
　懂了　算了　走了　放了



3.莎喲娜拉

作詞：潘協慶
作曲：周杰倫
編曲：吳慶隆
製作人：陳子鴻、江蕙

野草無花嘛會當活　暗暝無月還有燈影
若會當將情字參破　心剩一半　甲誰換
傷心雷雨怎樣閃避　癡情目屎奈擦袂乾
往事若移巢的螞蟻　思念請你放阮煞

＊莎喲娜啦　明知空咒誓並無算啥
　為怎樣我　割情線像割性命
　莎喲娜啦　麥講賣想甘就袂心痛
　愛凝情磨誰知影

怨嘆當初無斟酌看　未來安怎甘著認命
若會當將緣分參破　心剩一半　甲誰換
傷心雷雨怎樣閃避　癡情目屎奈擦袂乾
往事若移巢的螞蟻　思念請你放阮煞

　Repeat ＊,＃

＃莎喲娜啦　要叫阮怎樣袂想你啊
　不驚孤單　只驚你心內無我
　莎喲娜啦　麥猜麥問甘就袂心痛
　阮的心你甘知影




4.唉呦唉呦

作詞：江蕙
作曲：陳冠甫
編曲：小安
製作人：陳子鴻、江蕙、陳冠甫

心內愛啊愛著伊呀不敢講出嘴
阮只好偷偷看著伊
想伊的模樣　像蝴蝶入花叢
飛來飛去完全找無伊

夢啊夢啊夢著伊　啊病啊病相思
阮茫茫渺渺過日子
愛著一個人　啊實在真費氣
戅神戅神塊想伊

＊天星閃閃爍爍笑啊笑歸暝
　親像男男女女愛戀的滋味
　阮的心肝內　咧等著你
　你甘知阮的心意

＃雨水滴滴搭搭落啊落袂離
　一聲一滴親像替阮塊哀悲
　只有過一暝　（假）若無十年
　阮相思過頭　心綿綿

△唉呦唉呦相思又過頭ㄚ
　唉呦唉呦思慕彼個人ㄚ
　唉呦唉呦相思又過頭ㄚ
　唉呦唉呦思慕彼個人ㄚ

　Repeat ＊,＃,△

唉呦∼



5.夢中央

作詞：武雄
作曲：陳世娟
編曲：楊陽
製作人：陳子鴻、江蕙

ＯＳ：
每一個人的夢中　攏有一扇門
有的人開門　是欲飛向遙遠的未來
有的人開門　是為著懷念囝仔時代
阮的夢中嘛有一扇門　每一次打開
就會帶我返去　上思念的所在

上愛看到月光　偷偷照入門
陪阮想啊　陪阮夢啊　陪阮倒踮眠床
思思念念的人　想著心就軟
置海角啊　置天邊啊　置阮夢中央

＊一慕離情　擦溼雙邊的手袖
　兩掛珍珠　點點滴滴攏打斷
　三更露深　夜夜思念到天光
　唉呦喂　你離我彼呢遠

上驚看無月光　開窗一直問
問過去啊　問以後啊　問阮怎樣按算
思思念念的人　催阮緊來返
不管風啊　不管雨啊　不管路外長

　Repeat ＊,＃

＃上愛看到月光　偷偷照入門
　陪阮想啊　陪阮夢啊　陪阮倒踮眠床
　思思念念的人　想著心就軟
　置海角啊　置天邊啊　置阮夢中央
　置海角啊　置天邊啊　置阮夢中央




6.老樂師

作詞：謝誌豪
作曲：謝誌豪
編曲：Terence
製作人：陳子鴻、江蕙

真多人呵咾阮的歌喉
不過伊的名字　真少人介紹
西裝青青　皮鞋金海結啊頭
大場小場　隨傳隨到

伊的功夫講起來真正摮
青菜教阮幾落招學不了
生命的曲調　愈彈心愈透
伊講椅仔　愛坐會著

＊阮唱歌伊伴奏　一支吉他彈到老
　惦惦坐咧舞台背後　上驚彈不對人生的調
　若不是伊伴奏　阮袂唱甲目屎流
　惦惦坐咧掌聲背後　無人知影伊外重要

真材實料免甲人搶風頭
表演是伊的目標　未無聊
生命的曲調　愈彈心愈透
無做主角　伊嘛無計較

　Repeat ＊,＊



7.當時欲嫁

作詞：謝誌豪
作曲：謝誌豪
編曲：楊陽
製作人：陳子鴻、江蕙

搬土來種這欉花　新芽來望春風吹
一年一年漸漸水　花謝落土又再會

年紀想欲換啥貨　願望來伴流星飛
打拼理想無停過　佮意的人無幾個

有一款感情永遠放置心肝底
有一種思念到老也會越頭找
勇氣乎阮講出彼句話　感謝過去幾年有伊陪

＊你若問阮今年幾歲　阮會講花開的過程才是美麗
　雖然難捨青春的尾　對伊也感覺歹勢
　只要不通乎家已後悔

＃你若問阮當時欲嫁　阮會講愛阮的人一直身邊陪
　陪阮打開心門來看　今年的花開未
　幸福啊　因為有恁大家

有一款感情永遠放置心肝底
有一種思念到老也會越頭找
往事一點一滴輕輕過　原來酸甜苦澀有這多

　Repeat ＊,＃,△

△陪阮完成心內的夢　準備好出發未
　幸福啊　總是需要代價




8.探戈探戈

作詞：武雄
作曲：陳子鴻
編曲：Terence
製作人：陳子鴻、江蕙

你甘知這是什麼警報　哪會害彼多人心狂火著
是一段上美妙的探戈探戈　咱攏袂生疏

情愛是每個人上驚的功課　所以才需要雙人做陣來學
兩個人會當鬥陣必有緣故　卡緊向大家宣佈

＊啊∼探戈　雖然是有時點頭　有時搖頭　無奈何
　啊∼探戈　愛就是互相痛疼　互相愛慕

你甘知這是什麼信號　哪會害彼多人嘴笑目笑
像一段上奧妙的探戈探戈　甜蜜的招呼

情愛是兩個人上水的錯誤　千萬種考驗才來變成鑽石
期待咱行過過去彼段風雨　換來是一種驕傲

　Repeat ＊,＃,＊

＃啊∼探戈　兩個人有時前進　有時退後　相讓步
　啊∼探戈　愛需要互相體貼　互相照顧



9.玉蘭花

作詞：武雄
作曲：曾世揚
編曲：Terence
製作人：陳子鴻、江蕙

一條大路通基隆　沿路紅燈擋袂完
一幕生活的討趁　到如今已經嘛彼呢多冬
頭帶葵笠面紅紅　不驚風吹日亦曝
惦在十字路頭賣玉蘭　伊將眠夢雙手捧

＃玉蘭花　雖然是真平凡
　有心人　手梳著舉卡高
　這個時代相偓促　互相愛幫忙
　咱的心內才會香

△玉蘭花　氣味永遠真迷人
　用清香　安慰世態的炎涼
　雖然時代有卡亂　不是無溫暖
　咱若互相相痛疼　攏有希望

　Repeat ＊,＃,△,＃,◎

＊頭帶葵笠面紅紅　不驚風吹日亦曝
　惦在十字路頭賣玉蘭　伊將眠夢雙手捧

◎玉蘭花　氣味永遠真迷人
　用清香　安慰世態的炎涼
　雖然幸福有卡慢　有心就要等
　咱若互相相痛疼　才有希望




10.一葉女人心

作詞：阿Ｑ
作曲：曹俊鴻
編曲：戴維雄
製作人：曹俊鴻

日頭那落山　滿腹煩惱無心晟
人情世事袂輕鬆　何時春花透清香
踏入人的戶埕　做了媽媽才知影
咱攏是一家人的靠岸
你讓我退　心就會結相偎

＊舉頭金金看　月娘猶原掛底遐
　田螺含水忍過冬　未來一定有希望
　捧起別人的飯碗　做人的媽媽才知影
　咱好比是箍桶的箍仔
　幸福要靠咱來　箍乎偎

一葉女人心　用溫柔跟你的腳步行
婆家媳婦要同心　一家伙仔才袂散
一葉女人心　用真心跟你的腳步行
人塊說家和萬事興　大風大雨嘛袂驚

　Repeat ＊,＃

＃一葉女人心　用溫柔跟你的腳步行
　婆家媳婦要同心　一家伙仔才袂散
　一葉女人心　用真心跟你的腳步行
　人塊說家和萬事興　大風大雨嘛袂驚
　人塊說家和萬事興　大風大雨嘛袂驚