《 Live A Life 》灰人

檸音樂歌詞庫

作曲：周國賢
填詞：小克

Lyric @ Lemon Music Group  檸音樂歌詞網

傷春傷得條褲穿窿
悲秋悲得全年胃痛
鬱鬱寡歡落到尖東
愁眉深鎖深到入西貢

前路滿眼勁灰 我喊住奉陪
女友仲灰 十分之匹配
瞓住灰 又午夜夢迴
甦醒我仲灰幾倍

我問你 你問我 我問你 開心點交換
我鬧你 你鬧我 我鬧你 圍住嚟批判
成份報紙太主觀 娛樂記者變法官
世事有未知一半

我想兜一圈 搵一張入場券
出街兜一圈 打鋪機又嫌遠
出差兜一圈 仲未著陸話飛機要盤旋

公司兜一圈 是但做做完算
屋企兜一圈 電視劇又埋怨
都唔轉台 我唔要人性主控權

灰人沉溺灰色心態
烏雲籠罩都當帽戴
天生悲觀古怪
想死偏有排 費解

其實有個願打 就有個願捱
世界越灰 越分黨分派
我受賄 就送我名牌
睇準我自卑收買

我問你 你問我 我問你 俾邊位搬弄
我鬧你 你鬧我 我鬧你 由外人操縱
奴隸社會有苦衷 人類鬥爭有主兇
宇宙有未知一眾

美洲兜一圈 監督一黨元老
歐洲兜一圈 綁走幾多人數
中東兜一圈 挑起紛爭事端開戰糊塗

飛碟兜一圈 晶片植入人腦
身體兜一圈 偷走基因元素
星系裡面 發現正邪各種企圖

灰人藏身港九新界
豬牛羊器官切走晒
趕走呢班魔怪
卑鄙兼自大 化解

Oh~ Away~ Oh Greys Away~

橄欖形大眼鼻哥窿迷你
夢見灰人為我冚被

決心兜一圈 終於搵到同好
Youtube兜一圈 相關短片成套
土豆兜一圈 醒一醒字幕組關照效勞

出體兜一圈 望望大地慈母
星體兜一圈 收到緊急情報
星球引力 帶動信念回歸正途

灰人迷失思想板塊
可憐投錯黑暗一帶
小小灰色心債
一體清理埋
七彩點分疆界
正邪會和解