返回列表 回復 發帖

《 你而家無 但係將來會有 (上) 》Sam 歌 (Featuring 咖啡因公園)

作曲:C君
填詞:農夫
編曲:DJ Tommy / 咖啡因公園
監製:DJ Tommy

Lyric @ Lemon Music Group  檸音樂歌詞網

當初聽Sam哥嘅歌教我做人
點知家陣好似都唔係咁諗
再冇鐵塔凌雲 邊有人肯沉默是金
日本娃娃冇咁流行

我細細個 阿爸晚晚猛播Sam哥嘅歌我聽咗太多
但係到我大個 同一套見解而家乜都變晒
以前話 沉默是金 我驚我轉頭俾人鬧鑊甘
你話笑罵由人 因爲真永是真
而家唔出聲啲人會好易憎你就真
沉默唔係有胸襟 沉默唔代表中肯
尋日先俾人話我唔夠勇敢
你話過 咪移民 咪去外國做二等公民
而家每年多幾千人好兇狠心諗梗係爭住鬆人
唔係啲生意佬去外國進軍 係啲小市民對呢度冇信心
學生哥 好温功課 而家學生多 更多功課
驚輸在起跑線 童年得考試同測驗
贏咗學分 輸咗童真
Sam哥都估唔到個世界會變成咁

當初聽Sam哥嘅歌教我做人
點知家陣好似都唔係咁諗
再冇鐵塔凌雲 邊有人肯沉默是金
日本娃娃冇咁流行

鐘意聽歌都聽過Sam哥嘅歌 今日再encore 都覺得正喎
係時代已經變咗 定係嗰一個香港已經唔見咗
仲邊有財神到 搵錢要依正路
拿拿聲走去搵嘢做 就買到樓嗰個莫大毛
而家要搵錢要博大霧 太正路聽訓馬路
你今日冇 將來都冇 想買個窗台都要靠父母
現實唔理想 咪索性講理想唔玩半斤八兩
唔怕波士癲過雞 因為好多時係d人炒老細
講真 身邊人仲邊有你講嘅香港心
鐵塔凌雲 只係奇聞 個個放假都plan去旅行
除左流感就係遊行 冇香港人想留多陣
歌神 有冇可能带我返番去你以前嗰陣

當初聽Sam哥嘅歌教我做人
點知家陣好似都唔係咁諗
再冇鐵塔凌雲 邊有人肯沉默是金
日本娃娃冇咁流行

嗰陣沉默是金 家陣誰還未發聲音
嗰陣冇時莫強求 家陣時時有訴求
嗰陣日本娃娃 家陣gam sa ham ni da
嗰陣半斤八兩 家陣要搵理想
嗰陣十個女仔 家陣港女咪制
嗰陣搵錢依正路 家陣有錢好霸道
嗰陣做人要識do 家陣做人要識do do

返回列表