Board logo

標題: 《 流行反擊戰 》上位 (Featuring 側田.Jerald) [打印本頁]

作者: 檸音樂    時間: 2013-4-2 22:46     標題: 《 流行反擊戰 》上位 (Featuring 側田.Jerald)

作曲:Jerald
填詞:MastaMic   
編曲:Jerald
監製:Jerald / MastaMic

Lyric @ Lemon Music Group  檸音樂歌詞網

Well it's time to drop a rhyme
This is MC J.Lo, MastaMic
Straight outta Beijing

你唔使益老細 電台唔播冇所謂
你發誓想發圍 你發夢想富貴
你唔識唱呢句 點可以上位
所以你哋聽佢唱
二百年後再一起 應該不怕旁人不服氣

由七歲爭上位 爭到七十歲
個個要爭上位 爭到死都爭落去
有位上邊個會理錯對
以前邊個錯邊個對 上咗位就冇人理你過去
位係得咁多 但人就多得滯
個個等個位 等到目光呆滯
發覺為上位乜都冇所謂 為上位冇計做乜都冇計
你做嘅嘢越無謂 啲人就會越想睇
越多人越想睇 你就越快上位
呢種風氣違背常規 你有張良計 佢有過牆梯
你想上位要先上契 你最好契上契可以契埋俾上帝
我好肯定 我上世冇同過上帝上契
所以我今世想上位 仲難過契上帝

(Ba La Ba) 等人救濟 等人接濟 認真倒米
(Ba La Ba) 憎人富貴 生活閉翳 邊個唔想上位
(Ba La Ba) 死唔眼閉 趨炎附勢 整招苦肉計
(Ba La Ba) 不停破費 懶係架勢 得米

我認我恨上位 由上世恨到今世
就好似啲靚妹仔恨釣金龜
現代生存真諦 問你乜嘢係最珍貴
你就話係你生計 咁計
唔怪得你乜都冇所謂
最大問題係人人都覺得想上位 冇所謂
想上位 冇所謂 出賣道德 冇所謂
出賣尊嚴 冇所謂 出賣身體都冇所謂
個世界變 變到人人都發癲
個個為錢 尊嚴行埋一邊
有錢 對與錯放埋一邊
邊有底線 邊度有著數即閃
有咁多人 但冇咁多位
有幾多人 會有咁多計
個個勁過三十六計 計上計
計中計 計中邊個中計 夭心夭肺 搏上位

(Da La Da) 等人救濟 等人接濟 認真倒米
(Ba La Ba) 憎人富貴 生活閉翳 邊個唔想上位
(Ba La Ba) 死唔眼閉 趨炎附勢 整招苦肉計
(Ba La Ba) 不停破費 懶係架勢 得米

終於上位 為上位宗旨放低
終於上位 無謂去羞愧
終於上位 為上位乜都放低
終於上位 無謂做衰仔
冇所謂 冇得計 要衰格先上位

心思思有件事 有冇人有上位嘅貼士
你話第一件事 要放棄宗旨
縱使你放棄宗旨 結果未必鍾意
好似張膠椅 膠椅多搞事
憑個膠字 都吸引到Fans
膠人多膠粉絲 成件事太反智
上位要反思 冇邏輯 沒法子
要上位成功太艱鉅 不成功你就要返去
唔理你係男定女 有規有矩
個個跟隊按程序按規矩 積極爭取上位無罪
有人靠抽水 有人靠埋堆
有人靠吹噓 有人靠斟茶灌水
有人靠賣醉 有人靠賣長腿
有人靠眼淚 有人靠故弄玄虛

(Ba La Ba) 等人救濟 等人接濟 認真倒米
(Ba La Ba) 憎人富貴 生活閉翳 邊個唔想上位
(Ba La Ba) 我死唔眼閉 趨炎附勢 整招苦肉計
(Ba La Ba) 不停破費 懶係架勢 得米





歡迎光臨 檸檬論壇 (http://www.lemonforumhk.com/forum/) Powered by Discuz! 7.0.0