返回列表 回復 發帖

《 五星級的家 》真相

苦榮:原來當你一個人,無目的地,無屋企要返,個世界真係會唔同晒…今日係我離家出走既第二日,係條街度行左好耐,好熱,好曬…行左入個商場度諗住涼冷氣,但係又覺得好凍,結果,我又行返出條街度…我諗我應該係冷親…呢個鐘數,屋企應該開左飯喇,唔知今晚阿媽煮咩送呢……

苦媽:我好失禮你咩?我都好想呀,又靚又有錢打扮,我都好想有自己既事業唔駛做人師奶呀,我都好想以前好識得諗讀好多書,唔俾人掟晒D麵士信,無俾人撕爛晒D文件愛黎墊杯呀,做返份工,有返自己,唔係淨係邊個邊個個女,邊個邊個老婆,邊個邊個阿媽呀!我已經盡晒力架喇,你要學琴,你要唔讀書,你要食餐好,你要個女點點點,我都想點呀!我唔知點先做得最好,你地教我丫!你覺得我咁失禮丫嘛,你以後唔好再返黎呀!你以後唔好再返黎呀!!

苦榮:呀…ccc…
苦公:唔~飲晒~
苦榮:er…阿公呀…你未飲呀…呢杯你既,你唔記得左喇?
苦公:哈~我咪飲左囉岩岩,想昆我飲多杯呀?…真係…朝儂來話….
苦榮:…無事…心多者…唔…好彩者…
苦媽:呀今晚有生果食呀…黎丫黎丫…食荔枝呀喂好靚呀D荔枝…
苦公:好
苦媽:咦?邊個架?阿爸,你未飲苦茶喎…
苦公:下?哦,飲飲飲飲飲…宜家飲呀…唔唔
苦榮:阿公…
苦公:咩呀?
苦榮:你…飲緊苦茶呀可?
苦公:係呀,做咩呀?
苦榮:…無…問下者…
苦公:呀…ccc…下…好飽呀…飲晒喇~食荔枝~……咩呀?
苦榮:唔…無野呀…
苦媽:飲完喇下嘛?羅晒D杯入黎丫,洗呀…
苦公:哦…好
苦榮:…阿媽…
苦媽:唔?
苦榮:我諗…你要帶一帶阿公去睇醫生呀…

返回列表