返回列表 回復 發帖

《 念奴嬌 》尖沙咀Susie

作詞:許冠傑/黎彼得 作曲:許冠傑

有佢咁靚時冇佢咁夠盞,尖沙咀 Susie 點止咁簡單,
樣貌與身材 Good fit 夾耀眼,想搵多個都幾難。

佢要有型個性最好玩,出名鍊車王青山鬥片彎,
日日喫幾籠蝦餃當食晏,思想開放,好識嘆。

尖沙咀 Susie 駛乜憂兩餐,佢老竇勤力慣,街市賣鴨蛋,
尖沙咀 Susie 屋企多靚衫,橙溝綠,米襯藍,套套惹火搶眼。

佢碰見猛男對眼會猛咁眨,風騷兼銷魂乜都笑一餐,
密密去 Disco 通宵到達旦,攬身攬勢都好閒。

有佢咁野蠻冇佢咁夠膽,尖沙咀 Susie 死都坳番生,
但望亞 Susie 光陰咪亂散,青春一去空悲嘆

返回列表