《 ABC 》即食麵 ABC

檸音樂

作曲 : Allen Sung, Kevin Nishimura, James Roh, Jae Choung and Stefon Taylor
作詞 : Jin
編曲 : Kevin Nishimura, James Roh, Jae Choung aka Far*East Movement
監製 : Kevin Nishimura, James Roh, Jae Choung aka Far*East Movement

喂　吓　未呀　未食呀　你肚餓呀 不如你過嚟丫　你過嚟我咪話你聽整咩嘢你食
你梗係唔知我係　入得廚房　出得廳堂 好啦　我等你呀　OK　Bye Bye
我哋拍拖大約個零月度 我發覺你胃口真係好好
我哋出親街食飯你都唔怕醜 想食乜就嗌　係咁塞落個口
你唔係太肥　又唔係太瘦 但係成日話自己個身材無得救
好又一餐　唔好又一餐 我唔係講緊聽日
我係講緊今晚 平時你話事　我由得你玩
但係今次你根本就無得揀 嚟代表你對我係幾重要
我地唔洗出街　連外賣都唔洗叫　不如
等我煮個麵　等我煮個麵　等我煮個麵俾你食x4

我哋間中都會鋸扒　唔係嘅咪去食吓壽司　或者焗吓龍蝦
生日　聖誕　情人節　我哋多數都係會出街醫
有時唔係太肚餓　我哋就特登買一個order
然後一人一半咁分
食親洋蔥我就蠢　如果口臭嘅唔洗旨意同你打茄輪
唔怕　因為我已經準備左一包最新款嘅士多啤梨香口膠
試下我手勢　其他嘅無得比
我包你一定會食過番尋味
等我煮個麵　等我煮個麵　等我煮個麵俾你食
等我煮個麵　等我煮個麵　等我煮個麵俾你食
加兩滴麻油已經香過鹹魚　但係食神都話越簡單先難煮
煮個好麵最緊要係用心　蠟燭我都點埋　你仲唔夠冧
喺我個世界　你係第一
啲水一滾　就差唔多食得（得啦）
頂籠五分鐘　由頭到尾　喺五分鐘我已經可以愛上你（係啦）
雖然我唔係乜嘢廚師　但係我好肯定你食左呢一餐就會知
有你 我個天永遠唔會黑
如果你想嘅我加隻蛋都仲得 (Come On)
等我煮個麵　等我煮個麵　等我煮個麵俾你食
等我煮個麵　等我煮個麵　等我煮個麵俾你食
等我煮個麵　等我煮個麵　等我煮個麵俾你食
等我煮個麵　等我煮個麵　等我煮個麵俾你食