返回列表 回復 發帖

我的藝術生活 - 朱凌凌

作曲:朱凌凌
填詞:朱凌凌
編曲:Edmond Leung / 朱凌凌
監製:Edmond Leung

Lyric @ Lemon Music Group  檸音樂歌詞網

九級地震 死好運

一個廢人無神神入咗演藝受訓
乜你有啲咁嘅才能架咩
係呀 我定要發奮鍛練自己唯一嘅才能

眨下眼 五年之間
一個廢人搖身一變成為藝術家
懷住滿腔熱誠出嚟定要玩轉劇壇
出到嚟一睇 反晒白眼

要維持生計 已成問題
出嗰雞碎咁多請你返去慢慢使
你話唔制 佢話
無所謂 橫掂出面人才濟濟 我實搵到人代替
等我呢 成日以為呢 你以為乜嘢呀
讀完五年出嚟 諗住學人搞返壇戲
打開存摺簿一睇就知道自己嘥鬼氣
銀行得嗰百幾 夠俾屋企 俾自己
定係死慳死抵還返啲grant loan尾數
前路茫茫 個心惶惶 今日風光聽日可能要轉行
轉行 你仲有啲乜嘢強項
咁又係......呀......

毫無道理 我洩氣 皆因呢個圈子有一陣壞風氣
經常俾人問候 喂 你係老幾呀
哦 原來佢哋鍾意禁低你嚟抬高自己
表現唔好 我認衰 表現得好正常都會俾人讚兩句吖
但係我冇罪 何解會嚮個搭嗲區度俾人話我自吹自擂嘅

每個人都有自己條路 咪貧能計清楚自己條數
你太憤怒搞到乜都做唔到
原地踏步 歲月催人老
搞清楚乜嘢最想做 崎嶇道路都要起步
昂然大踏步 講咗就算數
自己揀嘅路 就要當佢係寶

我有我生活 我有我態度
你有你生活 你有你態度
佢有佢生活 佢有佢自己嘅態度
我有生活 我有我態度
呢個理想可能定得太高
但係我會keep住做
做得唔好都好 keep住做
You shut嗲呀!我唔鍾意shut嗲呀!

我的藝術生活雖然生活坎坷
但係往往只向現實看你只會乾塘
我慶幸 我勝任 我仍能與藝術同行

身為一個演員心中存在無比自豪感
以生命影響生命 每次受盡打撃過後我只會心感高興
增加個人經歷 有助演術提升
我的藝術生活包含住一個極大使命

有啲兄弟姊妹畢業出嚟入咗大公司
入到去先知道 嘩 大大件事
每日返工好似違背自己嘅良知
藉此 我要話你知
我哋一齊大 我哋一齊捱
快啲出嚟接觸呢個世界 感受吓佢嘅趣怪
唔好再將自己收收埋埋 one more time
我哋一齊大 我哋一齊捱
快啲出嚟接觸呢個世界 感受吓佢嘅趣怪
唔好再將自己收收埋埋

雖然我心驚膽顫 又起又跌
但係我每日就好似同你哋坐緊過山車咁好玩

返回列表