返回列表 回復 發帖

《 O’FAMA 》O'Fama

作曲:Jack Splash
填詞:C Kwan / 6 Wing
編曲:Jack Splash
監製:Edison Chen

Lyric @ Lemon Music Group  檸音樂歌詞網

*Throw you're hand 先至Air
 唔使講啲乜嘢 淨係要講聲多謝
 多得你 多年黎不捨都不棄
 Throw you're hand 先至Air
 唔使講啲乜嘢 淨係要講聲多謝
 多得你 多年黎給我勇氣*

講埋講埋咁就Rap十年
數埋數埋出第七隻唱片
2千年可以話係農夫嘅起點
一直以黎多謝咁多朋友比面
記得果陣係尖咀唔知乜嘢大廈個度
每個禮拜都有地下Band Show
個個玩Haed Feet Metle 淨係得我地係度YO
農夫第一個Live Show就係個度做
記得果晚我地用假嘅韓文Free-style
JO GAN GO - A-GO-N A-V NO
有個佬走埋黎Say hello
仲話我地攪至幾好 果日我開始先至知道
佢越係唔明 佢越係覺得你Pro
而家聽得明啦 就話你唔好
懶有深度 就話你有心做 唉 點樣走Hip-Hop呢條路

02年我地推出第一隻CD
一班親戚食飯比佢地聽真啲
其中一個笑我老豆身家有好多
頂個仔咁樣衰唱啲咁嘅歌 做歌星
今時今日又讚乜又讚我物
喂使唔使咁核突 你使唔使咁現實
有一日如果農夫再做唔起
你唔會再跟我地 定係會幫我打氣
果陣親戚都唔敢問我做緊咩
佢諗我識埋壞人仲take埋嘢
唯獨是我媽子信我地去咗Rap 我慶幸我係我媽個仔
洗乜鬼比好多錢使 佢比我好多鼓勵
(我係陸永個娘親叫陳美芬) 記住啦咪以為係玲玲個仔呀

Repeat *

04年尾我地認識咗露比
當年商台個軟硬都係佢 IN 佢地入黎
(每一個年代都有一對軟硬 農夫陸永你地快啲紅啦 紅啦紅啦紅啦)
係咪好似軟硬我唔敢認
但係呢番說話對我係個肯定
唱片出咗幾張我地生活照常
出街幾咁張揚 有人揾我照相
反而 亞Sir點錯相叫我爬埋牆
有時我想像一切係咪就係咁樣
出咗456Wing 鋒頭好似好勁
戶口淨係零 好在有好多好評
網上搜尋榜上有名 有雜誌揾我地影
我地以為會好勁啦 頂
係呢行娛樂新聞都無人當你係行內人
大合照出黎張相成日都cut咗我半個人
做完Music-talky個Show明明我都有份
點知見街果啲新聞話係四小強等人

Repeat*

打開07年通勝掀一掀
睇到牽牛圖印咗係第一頁
農夫到低也揚眉 因為有玲玲
玲玲風生水起

玲玲:我諗住玩吓 同農夫Rap吓
無啦啦由新年紅到去暑假 成為第一個上勁歌嘅玄學家

頒獎禮我地好早就出現
之不過以前睇唔到我地係裡面
記得第一年坐係Cookies後面
我最愛嘅Elain唔知而家佢點
再過多一年個坐位都無變
再過多幾年我地越坐越前 忽然坐到側田嘅側面
07年我地仲坐到上埋台面
行上頒獎台梯級 一級一級係林狗手上攞獎
呢一日一日未死都記得
當時口窒窒眼濕濕 得獎感受 我都唔知自己嗡乜

Repeat*

返回列表