返回列表 回復 發帖

《 十八 》十八後

作曲:Chris
填詞:Jim
編曲:野仔 / Adrian Chan
監製:3721 Productions / jimjim


Lyric @ Lemon Music Group  檸音樂歌詞網

家豪:

響永遠懷念我們敬愛的陳老師群組搵到你個名同埋留言,睇埋啲相,果然係你。最近點呀?

中七之後,原來我哋十幾年無見。見你Profile寫住多倫多,係咪已經移咗民喇? 仲記唔記得有日我響碼頭同你講過,我會同佢一生一世?最後,我同佢響中七之後嘅夏天就散咗喇。

之後我都有拍過好幾次拖,但係到最後都無結果,上年分開嗰個差少少就結婚, 但佢話我無份工做得長唔夠成熟,然後就分開咗。本來諗住一齊住嘅地方而家得我一個獨居。決定搬出去自己住之後,有一晚我執嘢發現咗一部1973年嘅相機。呢,係你爸爸留俾你嗰部呀,記唔記得呀,嗰日我話想試用吓單鏡機,你第二日就借咗俾我。嗰次我影完啲相原來竟然無曬到,上星期我攞咗去曬喇,發現大部份都係佢嘅相,除咗一張試用嘅時候捉住我媽媽試影嘅相, 我而家先發現呢幾年原來我媽媽白頭髮多咗好多。

雖然我哋好耐無見,但係唔知點解就好似細個我哋深夜傾電話咁,有好多嘢想話俾你知,自從出咗嚟做嘢之後,都好難再搵到好似你咁嘅密友。
幾時會返嚟香港呀?

吖,可以話俾你知嘅係,我哋嗰首一齊作嘅合唱歌,最後我去到學校禮堂都係無唱到。其實點解嗰次你無出現響歌唱比賽嘅?係咪真係好似其他同學所講,你都係鍾意咗佢 …… 但係我一直都唔知呢?

喺你相簿入面出現嘅小朋友係咪你個仔呀?咁有無話俾佢知佢爸爸曾經諗過大個咗之後做一個職業嘅車手呀?

其實你而家又做緊咩?

返回列表