返回列表 回復 發帖

《 Unforgettable 忘不了的 》人辦

作曲:許冠傑
填詞:黎彼得 / 許冠傑
編曲:Adam Lee
監製:陳德健 / 李安修


Lyric @ Lemon Music Group  檸音樂歌詞網

佢為人無聊返工等放工 時時蛇王郁D詐胃痛
隨時頭暈傷風腳話凍 放假俾佢即刻通街貢
求人同情花款幾百種 時時同人 WEAR 水當贈送
每次到佢出錢肉痛 送野俾個 GIRL FRIEND 出手重

佢成條搞風搞雨掘尾龍 隨時等炒擺慣大信封
頻頻有意製造人內鬨 佢望人罷曬工
同人蹧把聲響過喇叭筒 一打交「啜」聲屈尾十一嗌鬆
走精面卸曬膊累埋大眾 專門搞搞貢

佢時時同人打牌專搏懞 明明人求「卡窿」佢話碰
詐詐諦諦偷睇四面哄 佢最鐘意週身郁郁貢
平時逢人請飲梗肚空 同檯人人乾杯佢食餸
時時同人猜枚冇話中 到尾梗要打包幾斤重

佢成條搞風搞雨掘尾龍 隨時等炒擺慣大信封
頻頻有意製造人內鬨 佢望人罷曬工
同人蹧把聲響過喇叭筒 一打交「啜」聲屈尾十一嗌鬆
走精面卸曬膊累埋大眾 專門搞搞貢

佢成條搞風搞雨掘尾龍 隨時等炒擺慣大信封
頻頻有意製造人內鬨 佢望人罷曬工
同人蹧把聲響過喇叭筒 一打交「啜」聲屈尾十一嗌鬆
走精面卸曬膊累埋大眾 專門搞搞貢

佢為人無聊返工等放工 時時蛇王郁D詐胃痛
隨時頭暈傷風腳話凍 放假俾佢即刻通街貢
求人同情花款幾百種 時時同人 WEAR 水當贈送
每次到佢出錢肉痛 送野俾個 GIRL FRIEND 出手重
每次到佢出錢肉痛 送野俾個 GIRL FRIEND 出手重

返回列表