《 奇蹟 》我要打多支 (陸永獨唱) Galaxy

檸音樂

作曲：陸永
填詞：KZ / 陸永
編曲：DJ Galaxy
監製：DJ Tommy / 陸永

Lyric @ Lemon Music Group  檸音樂歌詞網

到底 邊一刻 邊一分 邊一秒 開始變大人
我只要 啪多支 啪多支 先可以 再度重生

當我仲係一個三歲小朋友 當然能夠飯來張口"喬"埋雙手
扭兩扭玩具話有就有 今日流住眼淚留唔住女朋友
曾經以為最辛苦係背默《將進酒》
長大以嚟一辛苦就剩係相信酒
大人 負責負責任 記得細細個嗰陣 我只係負責發問
做咗大人 身邊多咗小人 事事要小心 冇得做蠟筆小新
好憎 自己冇晒天真 好心 咪再嗌我先生
十三歲生日派對 我嗌句 好快趣 我就會三十歲
而家廿九仲爭一歲 生日冇興趣 唔想大係長大嘅証據

我要打 打 打多啲Botox 我要返 返 返 返番最初
歲月光陰之中穿梭 但童年得一個 望我皺紋最多

當我仲係一個三歲細路哥 邊度清楚大人世界制度多
當初細個一開心就唱歌 點解到大個咗一傷心就唱K
細個想快高長大快啲到下世紀
到大個唔係好想大唔想老唔想死
開心樂園派對慶祝又大一歲
三十歲嘅我賣醉慶祝青春就快失去
細個我嘅伴侶係一堆玩具 到大個我嘅伴侶係一堆負累
大人唔再發夢 唔再相信多啦A夢
唔再需要叮噹想做King Kong 想當英雄
時間轉眼流走人越大越少朋友 年紀越大個人就越小朋友
童心未泯弊在童真被禁制 成年人嘅身體喺心底係細蚊仔

我要打 打 打多啲Botox 我要返 返 返 返番最初
歲月光陰之中穿梭 但童年得一個 望我皺紋最多

到底 邊一刻 邊一分 邊一秒 開始變大人
我只要 啪多支 啪多支 先可以 再度重生

唔想呈現老態 好想啲皺紋冇晒
有啲錢冇得慳 有黑斑冇得掹
一把年紀最怕 肌肉退化
勤做孖屎咁至可以保持肌膚緊緻
唔想呈現老態 好想啲皺紋冇晒
有啲錢冇得慳 有黑斑冇得掹
一把年紀最怕 肌肉退化
勤做孖屎咁至可以保持肌膚緊緻

太快我覺得太快大 人生過得太快首歌都太快
冇計要變大 副計要變壞 變老鬼
乜鬼嘢乜鬼嘢乜鬼嘢 都變鬼晒