返回列表 回復 發帖

11 HK Rap Up - MastaMic

作曲:Big Sammy
填詞:MastaMic
編曲:DJ Galaxy / Big Sammy
監製:DJ Galaxy / Big Sammy / MastaMic

Lyric @ Lemon Music Group  檸音樂歌詞網

唔使焦急
Rap Up唔會消失
2010 去到 2011
實 唔少得 一年一度嘅11Rap Up
幽你一默嘅rap up梗係有乜rap乜
個個都話有相有真相
想知真相你要問潘霜霜
因為霜霜影嘅相 張張有峰峰個樣
原來揸張相上C1易如反掌 
關機 再開機 換咗用手機
佢話 唔怕死 玩家 玩得起 
求期 唔理 Nel Nel 都玩爆你
冠希 就咁玩死自己 
每年出道嘅𡃁模多不勝數
出寫真個真我想問真係邊度
係不倒胸部定不老歳數
要買你本J圖
不如睇惠比壽麝香葡萄
最叻詠春嘅人係葉問 
再叻功夫嘅人都只係凡人
試問凡人點鬥得過天神
仲要係齊天大聖加個二郎神君
詠琪同文尉都嫁外國男友
剩女有救原來剩女仲有巿場需求
有人歡喜就有人愁
有人牽手白頭
有人婚姻到盡頭
柏芝同霆鋒終於分手
俾人不停追究理由
只怪太多花生友 
山聰同柏豪愛Rick Owen上身
兩個又爭女人又爭做潮人
山聰係聰明人識離婚爭超雲
爭到超雲 直頭買得起Rick Owen成個人 
男嘅愛超雲
女嘅愛超人
洛施唔愛潮人獨愛李超人
可惜灰姑娘都有夢醒時份
母憑子貴換嚟一生富貴逼人
3D玉蒲團關鍵係雷神露點
點知露點變老點
敷衍用替身兩點
再加把阿伯聲 我問你想點
欺騙我嘅導演 誓要你還我兩點
Jessica C無份攞政府6000蚊 
所以貪心個600蚊結果官非纏身
我強烈遣責出售嘅佢淫片嘅嗰個人
呢啲片梗係開心share先過癮 
Swing以音樂做使命
我在此衷心向你哋兩位致敬
鬼馬雙星出名綽頭勁
而家得返單丁
Rest in peace許冠英
唔講唔知學生王子
鄧光榮都係民主烈士 
64個時佢幫過300個民運人士
我代表自由願你R.I.P. 
王維基挖角點解唔挖林峰
唔通佢嫌亞太區峰峰得chok樣無用
鋌鏗係少女嘅白馬王子
點知竟然係疑似白花油王子
思琦狠撇泳濠迎有錢跳水新歡
點知新歡只係個無水空心老倌 ”跳水聲”
千千嗰daddy係劉家昌老師
一次又一次老套當新意
就算個仔被恥笑佢當無事
我想他的字典堣]沒有放棄
婉曼話do你其實係講點你
咁我都想講 婉曼我想點你 
何家一家分身家
何家一家不成家
何家身家係何價
齊整一家係無價
我痛心日本大地震
但係我有疑問
人係咪天災發生最大成因
有人懶有學識
笑師奶盲搶鹽無常識
佢哋搶鹽目的 純粹係對屋企人愛惜
香港好多蘋果迷
不過佢哋唔係迷蘋果批
係迷喬布斯出品嘅一切 
因為每次新機出世 ”apple for life”
班炒家就有錢洗
香港同內地孕婦爭床位 
遲啲唔興北上消費 興北上生仔
多得內地嘅大頭奶粉害死人
而家唔興炒黃金個個愛炒奶粉
我對菲傭無歧視
為頭家我知 離鄉別井唔容易
但對於外傭居港我唔能夠支持
唔係自私 而係希望對香港嘅巿民公平啲
想我都好想好似印度阿星
有嘢唔駛做戶口都會多咗七個零
國泰嘅機師唔使拍衝上雲霄
唔使買機票空姐都同佢吹上雲簫
一句擅改土地用途封殺hidden agenda
原來政府咁樣去發展本土藝術文化
菲律賓總統諗住走數
有錯唔認數一句道歉都無
死都唔認錯嘅態度令港人憤怒
我哋唔會停下追討公道嘅腳步
美國要用十年先捉到拉登 
如果中國公安出手肯定一年就拉到人
公安個個身懷特異功能 
你睇下連蝙蝠俠都俾佢打鑊金
高鐡乘客結果無人到步
全世界目睹鐡路你當寶人命你當係草
政府實施最低工資諗住幫工人
無最低工時措施幫人變害人
老細對工人福利永遠唔關心
打工仔係永遠嘅受害人 
江澤民做鐵金剛die another day 
王征今次真係要擇日再死
塗鴉少女嘅誰害怕艾未未 
曾sir下令全城警察高度戒備
你係怕艾未未定怕自由未死
你嚴打塗鴉定打壓言論風氣
林公公要阻止公投運動
無資訊公眾 係咪驚無人認同
堵塞漏洞定剝奪投票活動
林公公係謀殺民主嘅幫兇 
自欺欺人嘅領導人 巿民至憎 
落區視察民情 永遠見唔到巿民
著64Tee嘅通緝犯埋唔到身
黑影纏身隻手攝住係鏡頭附近
去港大校慶學生被禁
小心唔俾領導人見到遊行
記者新聞自由變成自由行
領導人點會親民
你估李克強係李克勤
泛民政治明星唔係選票保證
阿爺命令一屋七姓用種票方式取勝
財政預算惹民憤
入面無關心基層
巿民百上加斤
煙稅加十一蚊
咪諗住派6000蚊可以得民心
取之於民嘅儲備你充其量還富於民
劏房無陽光
窮人無人幫
劏房呎價貴過乜乜山莊
哈 呢個咪就係香港
十年后我想做導演 
拍套電影由唐英年領銜主演
叫那些年 我們都插過的唐英年
肯定攞最佳導演兼賺大錢 
劇情講有日唐唐撘long ping 360
部纜車突然停
吊係半空條條fing
於是佢call工程部呀家明
鬧佢剛愎自用 抵佢做唔到李家誠
80後家明聽完梗係好興 
本住車毀人亡嘅心情送佢一程
成部360跌落絶嶺
佢大叫一聲the city is dying
多謝你哋支持The New Hope Mixtape 
今年新專輯我會更俾心機
希望流行反擊戰帶俾你驚喜
Hip Hop夢未死
馬米唔會放棄

返回列表