返回列表 回復 發帖

不見即散 - 新青年理髮廳 (Radio Edit)

作曲:新青年理髮廳
填詞:新青年理髮廳
編曲:新青年理髮廳

Lyric @ Lemon Music Group  檸音樂歌詞網

明明約咗你三點鐘 喺銅鑼灣地鐵站等
兩點九我就去到附近 老豆教我做男人要負責任
烈日當空下我用咗廿五蚊雞買左杯珍珠奶茶飲(仲要唔係幾好飲喎)
等到三點半鐘仲未見人 講真真係等到我有啲忟
果一刻我有種不祥預感 係咪有意外發生
咁啱聽到啲人話附近有人比車撞親
然後我決定 打電話俾你問一問

不見即散 明明個時間地點又係你揀
總有一鋪你要一次過還
到嗰一日 後悔都太晚
不見即散 鑊鑊問你係邊你話轉個彎
個彎肯定大到要繞過成座山
真係辛苦晒 要你吹到咁大
唔好意思我老豆難產 走先拜拜

訓到瘟瘟燉燉我好似聽到個電話響
攞起個電話望一望個來電原來真係區樣
好似彩我夠醒目仔諗諗計壓低把聲先至聽
佢連隨問我去到邊到 佢真係白痴
唔通我啱啱起身 我又會話俾你知
「唔好意思呀唔好意思呀 我知道約左五點鐘
 但係尋晚梗左鬧鐘個鬧鐘又唔響 我都唔想架
 然後我落到樓下見到有人招募義工 我見時間尚早我做左幾個鐘
 然後等巴士等左三四班 啲的士又係咁交更
 我把心一橫 由觀塘跑到銅鑼灣
 疏梳梭蔬 唔好意思 唔好意思 唔好意思 無下次呀」

不見即散 明明個時間地點又係你揀
總有一鋪你要一次過還
到嗰一日 後悔都太晚
不見即散 鑊鑊問你係邊你話轉個彎
個彎肯定大到要繞過成座山
真係辛苦晒 要你吹到咁大
唔好意思我老豆難產 走先拜拜

每次約親你都會遲仲笑笑口扮無事
自此我諗唔明我準時仲有啲乜嘢意義
所以我知你約我會遲三個字我會遲多三個字
你知我會遲三個字你再遲多三個字
我知道你會知道我會知道你遲多三個字
所以我會準時咁遲過你最準時果三個字
卒之等到第二日 你喘晒氣問我「喂你做乜遲到」
我話因為我知道「唓∼你都係啱啱先到」

不見即散 明明個時間地點又係你揀
總有一鋪你要一次過還
到嗰一日 後悔都太晚
不見即散 鑊鑊問你係邊你話轉個彎
個彎肯定大到要繞過成座山
真係辛苦晒 要你吹到咁大
唔好意思我老豆難產 走先拜拜

返回列表