《 準備中 》老細我撇先

檸音樂歌詞網

作曲：Russell Harris
填詞：袁兩半
編曲：劉志遠
監製：李振權

Lyric @ Lemon Music Group  檸音樂歌詞網

日日要定時出現 加班多過睡眠
樣樣要限時搞掂 創意永遠需要到頂尖
度掂又盤算 老細佢會點

要新鮮慳錢方便 仲要經得所有考驗
開會一切反轉 重回起點

經過長期訓揀 幾苦都當做甜
死貓無謂化驗 餐餐加醋落鹽
做盡然後卻發現 整套個案都放棄發展
盛怒極難免 老細你算點

我今晚需要差電 別再急CALL等我出現
啤酒一罐一罐 蒲埋BAR先 蒲埋K先 蒲埋D先
蒲埋先

但願日落以後停電 獨自玩樂個體發電
冇電冇電 發電發電 冇電冇電 發電叉電
夜幕下呈獻 老細我撇先

我今晚需要差電 別再急CALL等我出現
啤酒一罐一罐 蒲埋BAR先 蒲埋K先
我今晚需要差電 別再急CALL等我出現
啤酒一罐一罐 蒲埋D先

冇電冇電(老細我撇先) 發電發電(再喝多一罐)
冇電冇電(我今晚走先) 發電叉電
冇電冇電(我今晚起碼撇先) 發電發電(發到出煙)
冇電冇電(懶理公司反轉) 發電叉電