返回列表 回復 發帖

表情 (劇場版) - 許志安 (薛凱琪獨白)

作曲:雷頌德
填詞:小克
編曲:雷頌德
監製:雷頌德

Lyric @ Lemon Music Group  檸音樂歌詞網

我從來無同你講過我最鍾意你啲咩
就係其實你同我好唔同
你會識得講好多好多嘢去表達你自己
去令我更加明白你


我記得,當時我每日都寫好多文字俾你
而你就用返好多公仔表情嚟覆我
有時俾一個微笑,有時戚一戚眼眉,有時就眼濕濕


我望見一剔時 再望見雙剔時
讓我得知你回眸過 在恥笑我多傻
回覆我那表情 如取替你心聲

我一路以為你會明白我send俾你每一個表情嘅意思
因為我哋不嬲都係咁樣溝通架


誰不氣餒 寫出一千句百萬句
誰的應對 卻定要那麼的乾脆
給我穿心一箭藏證據 當天怎麼也得到你默許

相戀時你共我相戀時 手機中數百句我願意
黃色小臉獻著吻 纖巧的細心 卡通標誌建立著信心
分手時愛亦變得虛擬 慰問多敷衍了事
再沒溫馨的莞爾 如同陌生的女子 相戀再不可以

相處耐咗,我哋嘅角色好似掉轉咗咁
我會不停問你嘢,我想打開任何嘅一個話題
但係你都唔理我
你開始收埋自己,乜都唔同我講

對唔住呀,喺嗰段時間因為好多嘢令到我好唔開心
而我亦都唔知點同你解釋


我好想好想幫你,但係你無俾機會我呀
因為我睇到你對住我嘅時候,你已經開始無表情

到後來我肯同你講返多啲嘢嘅時候
亦都係你決定離開我嘅時候


誰於每晚 渴望心心眼與頌讚
誰的兩眼 已換上痛哭跟悲嘆
給我傷心撕裂無冀盼 溝通的詩意此際正在散

相戀時你共我相戀時 手機中數百句我願意
黃色小臉獻著吻 纖巧的細心 卡通標誌建立著信心
分手時愛亦變得虛擬 慰問多敷衍了事

慢慢你嘅whatsapp裡面開始出現返好多好多嘅文字
但係你寫嘅嘢話俾我聽,你已經唔係以前嘅你

所以你就求其覆我呀?

再造鬼臉送予某個人 但情感怎麼都不稱心 

其實我淨係用一個emoji去覆你
你可能會覺得我喺度敷衍或者報復緊
其實我唔係呀,我只係希望用一個小小嘅emoji
去提醒返大家我哋以前係點樣
嗰一刻嘅你、嗰個表情,先至係我最深愛嗰個人


多虛擬這段愛多虛擬 習慣用畫面去表示
你合手祝福之時 魚和雁終於告知 相戀再不可以

驗證交叉眼那意思

你可能唔知道
其實你想同我講嘅每一句說話
都喺你嘅表情裡面講晒

返回列表