《 零點一世紀 (新曲+精選) 》副作用之喊出黎 (Featuring 達哥)

檸音樂

作曲：James Mathus
填詞：陳詠謙

Lyric @ Lemon Music Group  檸音樂歌詞網

人類發問往往都係想人答心入面嘅答案。
你老細問你：今晚有無野做，可唔可以OT呀？
你應該答：無野做！都唔OT呀！吹咩！？
女友問你喇：今晚不如食日本野丫？
你應該答：好喎！不過你煮呀，唔係出去食！
點解你食咁多餐你都唔識煮呀？
呢個道理係我12歲看破紅塵悟出既大道理。

凌亂佈局
無人來打掃
樓下有個潮陽老婦在傳道
新聞報導
維持颱風信號
頻道轉 幾隻小狗撲電兔

同事說 綠茶可送藥
化學界發明
血液流著
光天化日
謀財的策略
杜指正在跳躍

還未吃掉
墳場來的菜
留在雪櫃內
繼續期待
我走向露台
愈看愈呆
誰話禱告便有愛

男或女 爽不停
封面喜歡色情
難道我 不著衫
可脫穎
多麼有用
成年人的冷靜
離席了 若然沒有事情

隨便播著
填詞人的痛
門合上 眼合上
別言重
副歌太類同
愈聽愈矇
各位繼續鬧哄哄

話說有次我唔記得左做功課啦，
老師即刻黑口黑面係到問：
點解唔記得左做功課呀？你無寫手冊架咩？
我心諗：點咩解呀大佬！唔記得左重點咩解呀？
大笨象點解去打仗，打完仗重要食辣椒醬？
小皮球點解會係香蕉油呀？
個波搽左油可以變猛虎射球咩？
點解小明小明小小明下一句係上上下下左左右右火車捐山窿呀？
小明關火車咩事呀？點解？依個世界上好多野都無得解架！

從未發現
靈魂如此重
疲倦了 成全我
別移動
終止發育
餘生發夢
各位繼續鬧哄哄

呢番話我當然無講到出口啦！
我揀左ㅡ個可以快趣了結呢件事嘅答案：
Miss，我特登唔做嘅吹咩？
結果，老師終於爽快咁記我大過，然後放我走喇。