返回列表 回復 發帖

《 Dance Music 》娛樂零零狗

我高達  係度想問你地一個問題
係咪每間報館都會養住一班狗仔
肥佬話  落閘放狗叫佢地四圍走
收風挖料跟蹤影相仲要做埋賽車手
四圍飛  兩頭騰  閃燈閃到你頭暈
故仔越作越大  你地越睇越 High

尤其係  娛樂版  哥仔姐仔都俾佢玩
邊個有仔生  又幾時會去洗手間
係街邊  拮串魚蛋咁都可以上頭版
食提子  飲 d 水  俾 d 大哥咀一咀
北上偷食  係咪唔駛過關
四川湖南哈爾濱  佇都o岩食埋殘廢餐
衰左  俾人影倒番黎耍手擰頭
一二三四五六七都會見倒你張大頭
網上投票全城公審玩到你冇覺好訓
咁既報導  都算新聞  認真火滾

聲  今晚High到爆炸
有冇大件事  我都鍾意八下
拿拿聲  吹雞拉你放假
開心去通頂  駛乜心掛掛

好似有 d 姐仔  烏低身谷胸俾人睇
佢想搏上位  搏宣傳  搏有老細o岩駛
仲以為自己副 “計”  好似以前咁盞鬼
三十二  三十四  三十八  仲要生過仔
未埋位  咋咋帝棟起隻腳兼露底
明知冇野睇  求下你唔好再黎
每個禮拜都有果 d 乜乜女優選拔賽
草龍鹽蛇老鼠甲韺]晒當食生菜

二打六  哥哥仔  生得都幾俊俏
專扮 d 公子哥兒師奶一見倒佢就笑
幕前?U盡人  幕後係個大情人
上至闊太下至靚妹佢都個個電暈
喂老友  究竟你地 d 料堅定流
點解賓妹周太祥仔佢地睇晒 R 晒頭
煲水吹水唔抹嘴  歌星藝人都怕左佢
見人就追  佢地個名就叫做狗仔隊

聲  今晚High到爆炸
有冇大件事  我都鍾意八下
拿拿聲  吹雞拉你放假
開心去通頂  駛乜心掛掛

返回列表