返回列表 回復 發帖

婦女新知2021 - 莫文蔚

作曲:李一丁 / 鄧東成
填詞:黃偉文
編曲:鄧東成
監製:莫文蔚 / Edward Chan / 李一丁

Lyric @ Lemon Music Group  檸音樂歌詞網

癲也癲過 蠢也蠢過 今天智慧總算比較多
卡數找過 起碼令我 終於忠於我

精緻的吃 講究的買 今天已貴精也不貴多
戀要失過 先發現最 「啱身」的一個

我係一個發育健全 嘅女人
需要各種營養 嘅平衡

無見一輪各位 錫我嘅人
乜嘢先係緊要 我終於識分      

尊嚴 靚衫   工作 美食   同旅行
幽默 現金   風格 自由   護膚品

Sorry but not sorry 我無數男人
哎喲 唔係故意 我只係特登            

講到呢度 不如轉吓話題
時間關係 我就預備 咗隻肥雞

幫佢按摩 鹽同老抽要落齊
再爆香 花椒 八角 薑葱 紅葱 蒜頭 月桂

加啲熱水 冰糖豉油 做個底
再放返 主角落去 溫柔洗禮

慢火冚蓋 30分鐘 Viola
咁就搞掂 呢隻馳譽國際 嘅豉油雞               

癲也癲過 蠢也蠢過 今天智慧總算比較多
卡數找過 起碼令我 終於忠於我

精緻的吃 講究的買 今天已貴精也不貴多
戀要失過 先發現最 「啱身」的一個

整開甜品 做乜忽然 教人整雞
出國太耐 孝敬吓自己 個香港胃

伴侶錫你 咪整佢食 當係獎勵
阿嫲嗰代先會 煮啲好嘢 搏佢留低                     

正如以前 我shopping 數以噸計
全部都係 諗住著俾 某個人睇

事到如今 就算已經 同佢一齊
個人風格 夢想價值 都唔想跪低                           

放大了愛 别放低了自尊先好
各自跳舞 夜了家裡互相修補

愛侶亦要 各有自決 You follow your own feelings
我性感 他不準講數 「你著返好你件浴袍」

癲也癲過 蠢也蠢過 今天智慧總算比較多
卡數找過 起碼令我 終於忠於我

精緻的吃 講究的買 今天已貴精也不貴多
戀要失過 先發現最 「啱身」的一個

苦也苦過 甘也甘過 今天智慧總算比較多

(單雙也是態度)

等美酒去 等美食去 好好修補我
衫有千套 袋有億個 今天已貴精也不貴多

(完全無礙進步)  

反正一切 優雅扮相 只需討好我
我係一個發育健全 嘅女人
Hello 係 呀 新返咗幾件有士多啤梨同Cream嘅大褸

返回列表