返回列表 回復 發帖

《 潛水鐘與蝴蝶 》給嫲嫲

作曲:蔡一智
填詞:彭紀諺
編曲:譚國政
監製:蔡一智


Lyric @ Lemon Music Group  檸音樂歌詞網

我最愛嘅嫲嫲,你知道嗎?睇住你嘅頭髮一日比一日蒼白
你嘅眼睛無以前咁精靈,雙腳越嚟越無力,行兩行,就喘氣,
你仲話,嫲嫲無用喇,無晒記性喇...

現實好殘忍...一日一日將你嘅身體拖落去,越沉越深...
當你發覺你已經滿頭白髪,雙眼睇唔見,雙腳行唔郁,
甚至連我係邊個,你都唔記得嘅時候,唔通...
你咁就覺得...你毫無貢獻...係我哋嘅負累?係我哋嘅潛水鐘咩?

天與地不會忘記心裡面總有希望 誰害怕 疲累嗎
想起我嗎 跟我來一個遊戲 一對蝴蝶在回味
能容納我帶你陪伴你拍翼高飛

你仲記得嗎?以前你就係咁寵壞我...
我眼瞓嘅時候,你會輕輕拍我嘅背脊,比我舒舒服服嘅瞓個晏覺;
我行到攰嘅時候,你會將我揹起,一直揹到返屋企;
我肚餓嘅時候,你會整你拿手嘅糕點;
我開心,向你賣口乖嘅時候,你會用力攬實我可能喱個係你最滿足嘅時候,
因為我感受到,你整個人都甜到融化咗...


天與地不會忘記心裡面總有希望 誰害怕 疲累嗎
想起我嗎 跟我來一個遊戲 一對蝴蝶在回味
能容納我帶你陪伴你拍翼高飛

喺我心入面,你始終都係咁可愛...
你始終都係咁偉大...
你知道嗎?你不單止唔係一個沉落去的潛水鐘,
其實係你一雙美麗嘅蝴蝶!

我相信,到咗今日嘅情境,係上天比我報答你嘅機會...
你嘅白髪,提醒我要多啲陪你;
你嘅雙眼,提醒我要勇敢為將來打算;
你嘅雙腳,提醒我要腳踏實地;
等你仲記得我嘅時候,我都係一個值得你驕傲嘅乖孫!

嫲嫲,我愛你

返回列表