《 The Ultimate_s Hits (精選) 》新鴉片戰 Hits, The, Ultimate

檸音樂

Lyric @ Lemon Music Group 檸音樂歌詞網

MC Yan:
大大本歷史喺面前俾我哋讀
呢個民族呢個恥辱以前有鴉片毒
到今日又E仔又K仔搞到唔人唔鬼
由面到底中晒毒因為你無知因為你盲目

MC Yan:
打開本歷史書就會有呢一個港口
因為打敗仗所以落入班英國人手
究竟係因為個國家冇運定係真係因為鴉片毒品
又或者係軍隊冇實力嗰班官僚軟弱無能
經過百幾年建設歷史另外新一頁 個歷史不著返退
本歷史書一路揭個心一路跌
鴉片戰爭再延續唔通真係仲有可能?
一百年前英國傳嚟鴉片膏藥
一百年後再次傳嚟迷幻毒藥
一百年前個國家軟弱 賠款割地
到而家啲人嘅心靈更加脆弱(供毒品) 自我逃避

MC Yan:
四圍望一望 發覺現今嘅社會存在更多不同嘅毒品
每日扭開電視 報紙雜誌 各種傳媒 宣傳工具
政府官方喉舌 究竟喺度散播啲乜嘢消息?
知識?知訊?
係咁迫你聽 係咁迫你信
拑制人哋嘅言論 封殺人哋嘅聲音
咁樣就叫做 知訊發達 先進城市?
計我話點睇都唔似!
更毒嘅毒品唔喺口入而係個耳仔入腦
唔毒害仔身體而係侵蝕你精神
呢度七百萬人幾時醒返做返個似樣嘅人
鴉片戰爭再發生多次你話可唔可以?