《半斤八兩》打雀英雄傳

作詞：許冠傑/黎彼得　作曲：劉傑

六嬸　三太公　大眾開啦面似蓮蓉
又放工　打餐懵　圍埋砌幾圈呀論英雄
誰是大英雄

落手三隻東　度到o巖都三叫二五六筒
截正糊　真陰功　騰騰震嬲到面呀面都紅

上下家　搏曬懵　依牙鬆槓斬眉斬眼打籠通
係咁鬆　正衰公　難為「乙水」要浸呀浸蛟龍

亂咁質　真勢兇　學到足關帝座鎮華容
恨滿胸　裹蒸粽　嗡嗡貢好似大呀大燈籠

大相公　小相公　遇老千Ｄ章法亂曬大籠
食詐餬　包出沖　「乙水」「乙水」轉好似大呀大灰熊

執o左位　起個風　移燈換？洗手食煙熨櫃桶
轉o下運（哈哈）確唔同　連隨喫幾舖我露呀露歡容

混一色　碰七筒　一簡白板發財做眼槓紅中
六八筒　叫卡窿　原來咁橋佢係呀係七筒

掘尾籠　起勢攻　大四喜曬南北西東
做牌　講天聰　頻頻滿餬我做呀做英雄
時勢做英雄　（大英雄）