《 04 繼續》打雀英雄傳

曲：劉傑 | 詞：許冠傑/黎彼得

六嬸三太公大眾開台啦面似蓮蓉
又放工打餐懵圍埋砌幾圈
論呀論英雄誰是大英雄

落手三隻東度到都三叫二五六筒
截正糊真陰功顫顫震嬲到面呀面都紅
上下家搏曬懵依牙鬆槓斬眉斬眼打籠通
係咁鬆正衰公難為沊仔會浸呀浸蛟龍

亂咁質真勢凶學到足關帝座鎮華容
恨滿胸裹蒸粽 UP UP貢好似大呀大燈籠

大相公小相公遇老千章法亂曬大籠
食詐糊包出沖沊沊轉好似大呀大灰熊
　執左位起過風移燈換洗手食煙熨櫃筒
轉0下運確唔同連隨唷幾舖我露牙露歡容
混一色碰七筒一簡白板發財做眼槓紅中
六八筒叫卡窿原來咁橋佢係呀係七筒

掘尾龍起勢攻大四喜揸曬南北西東
做牌講天聰頻頻滿糊我做呀做英雄時勢造英雄