洪卓立郊野談心遇靈異事

law1012

一個詩情畫意的地方，卻出現鬧鬼傳言！詩雅大爆早前跟洪卓立到九龍區一山頭為新片取景時，竟在車廂聽到外面傳來一陣小朋友吵鬧聲，詩雅開門查探時卻寂靜無人，嚇得伊人花容失色！
洪卓立（Ken）、詩雅及陳家樂主演的英皇電影《很想和你在一起》將於暑假檔上演。戲中Ken跟詩雅在郊外拍拖談心，畫面浪漫，但戲外二人卻指這個外景卻令他們噩夢連場。
目瞪口呆談到外景地點，詩雅說遇過靈異事件：「嗰日我喺保母車度瞓着咗，點知被車外玩嘅小朋友嘈醒，當我諗住開車門睇吓嗰陣，啲小朋友已經唔見晒。」詩雅表示當時也有問過在場工作人員，大家均指未見過有小孩出現，又指黃昏時間的荒山野嶺不會有小朋友，嚇得詩雅目瞪口呆。
男主角Ken亦指拍《很》片不好受，他說要炎夏穿羽絨褸等來拍攝：「有場戲講我喺雪地出意外，所以我要着羽絨褸、褲，戴埋冷帽嚟拍。雖然當日只係拍咗十五分鐘，但當我除番晒啲衫嗰陣，啲汗已經不停咁流落嚟，好彩當日冇中暑。」
怕被投訴Ken續說：「嗰日我成身臭汗味，自己聞到都想嘔，所以真係辛苦咗身邊嘅工作人員。我擔心有遊客行過，投訴我破壞大自然氣息！」說到同片的陳家樂及詩雅，Ken即指二人無義氣：「佢哋不但冇幫我打氣，仲走咗上車邊食雪條邊歎冷氣，激死我！」