小明入名校面試

kingking

小明今年5歲，將要升讀一年級，今日佢父母帶佢去一所名校面試，事前佢父母已經要佢背佢一系列o既答案。

準備題目如下:

我的名字叫吳小明。屋企o係九龍。

佢父母仲叮囑佢必要時，o係個老師面前講d英文生字，同埋要表現自己。

入到去知後.....

老師問小明: "小朋友,你叫咩名"

小明答: "吳小明"

老師又問: "你爸爸叫咩名"

小明剛換牙,講野有d漏風,佢答: "唔想講" (吳尚剛)

老師笑了笑,又問: "你媽媽呢"

小明答左: "唔關你事" (吳關莉思)

老師之後又問: "咁你有冇公公婆婆架"

小明好口快地答左"有"

老師又問佢地叫咩名?

今次大件事喇，預先準備o既題目紙冇依問tim，苦無對策之制，

小明突然想起公公婆婆每次打電話黎，

爸爸叫媽媽聽電話的說話,相信就是他們的名字，

之後佢就答:"公公叫你老豆,婆婆叫你老母"

老師喵一喵個咀!

老師: "爸媽平時放假帶你去邊度多"

小明: "去食屎" (去食肆)

老師再問: "爸爸平時喜歡做d乜"

小明: "手查鼻屎" (手查benz)

老師: "咁.....你媽媽呢"

小明: "整屎忽" (整seafood)

老師以為佢答非所問就轉問d基本數學

老師問: "拿,小朋友,而家考考你,1至5中,邊個數最大"

小明諗左一陣,就答: "2"

老師同佢講: "唔o岩bor,最大應該係5"

小明就話: "唔係wor,我爸爸教我架"

老師就好奇怪咁問: "佢真係咁教你,小朋友唔可以講大話?"

小明答: "真架,爸爸話葵扇2係大晒架"

老師說: "那麼我問你第二條,你識唔識簡單加數?例如2+2等於幾多?"

小明: "我唔知果d係咪,兩個2就知係4"

老師點點頭

小明:"再上係8,16,32同64,再多d就唔識喇"

老師心諗,64咁大,應該唔係玩啤學。

老師又好出奇咁問: "咁深你都識?"

小明答: "係呀,三歲就識"

正當老師嘆為觀止時..

小明老實地加多句: "爸爸說,如果自摸,又可以乘2"

老師已經知道咩事..

老師見d知識,全面都係同賭有關..

就想問d中國文化.

老師問: "平時父母有冇講故事你聽?"

老師見小明好似唔明佢問乜,就補充一句: "例如嫦娥奔月,牛郎織女果d呀?"

小明大聲答道: "有"

老師又問: "咁你o係邊度聽過呀?"

小明答: "爸爸媽媽"

於是老師就話: "咁你父母一定好錫你,成日講故事你聽!"

小明就話: "我爸爸媽媽成日同d朋友玩啤到三更半夜，所以我發夢都識織女傾"(即係J,Queen,King)呀!!